"Konosi Una Ermosa"
Era de edad de diziocho a los vente,
Una kara linda, kon mirada inosente
Una avla kalma su sonrisa diferente,
Kon kaminada de pasharo, boz no se siente.
Kaveyos sedozos fin la taya estirados
Eran kon una brosh i kon flores dekorados.
Me bazava a la kozas ke mi ojo viya,
En su enterior komo era?yo no saviya.
Deseava ver sus ermosuras envisibles
Konoser sus sentimientos si eran sansibles.
La modestiya vera esta en la konsensya,
Si tiene desdenyo d'el prove,d'el manko de sensya
Si su korason ve al k'esta en desolasyon
Si les da una mano yena de konsolasyon.
En vista amare kon mi alma su luzyura,
L'adorare kon sus aktos i su ermosura.
Haim Vitali Sadacca
New York
