` Grasyas al Kreador``
Dio mio,a nuestra vida tu sos el ke gravates
Plazeres manyifikos,kon dezeos mos regalates,
Kreando la mujer kon esplendor de una estreya
Ke echisa a los ombres kon las dulsuras de eya.
****
Su alma transparante komo akel vazo vazio
Inchirlo d`amor,no se si sera un pekado mio.
Eya me dyo su sonrisa komo ofreser una rosa
Este regalo divino rendyo mi vida orosa.
****
Es ke fue mi kulpa si las dos almas se miraron ?
Si akeas miradas en sekreto se abrasaron?
Los sentidos de karinyo en la vida ke mos dates
Alumbrates nuestra bivienta i la dekorates.
****
Sos el duenyo de nuestros gozos i korasones,
Tu bendicho nombre esta en nuestras orasyones.
Haim Vitali Sadacca de“Montreal
