roblesolarte

EL DIA KE TE VIA

Bivo kon la alegria de obtener mi deseo,
Me siento komo borracho el dia ke te veo,
Esto plasiente de mi vida i yeno de glorya
Konservandote en mi sangre i en mi memorya.
****
Fin kuando se puedra bivir kon una esperansa?
Tengo miedo , un dia si mi sentido se kansa
Si mis puertas se serran i tu boz no me alkansa
Rikeza i todo mi bueno a kualo avansa?
****
Las oras de mi edad de flores estan pasando,
Las kozas ke deseo no me estan alkansando.
Detesto lo mesajes ke la muerte me enbia
Yo bivere kon los plaseres de kuando te via.

Haim Vitali Sadacca
Montreal

__._,_.___