PRIMERAS LINYAS DEL KISHOTE DE LA MANCHA
En un kazal de la Mancha del nombre del kual no kero akodrarme,
biviya , poko tiempo atras, un djentilombre, uno de akeyos ke tienen
lansa entre sus atuendos, un eskudo antiguo, kavayo flako , perro
kasador. Una oya de algo mas vaka ke karnero, kusures las mas noches,
menudaya, los shabates, lentejas los viernes, algun pichon por
anyadidura los alhades, konsumiyan las tres partes de su azienda. Lo
sovrado para un sayo de katife, kalsas de veyudo, para las fiestas
kon sus pantuflas de lo mizmo, i los diyas de entre semana se
onrava kon su veyudo de lo mas fino. Teniya en su kaza una ama aedada
un poko mas de kuarenta anyos , i una sovrina ke no yegava a los
vente, i un moso de kampo i kaza, ke ensiyava el kavayo ansi komo
tomava el podador. La edad de muestro djentilombre frizava los
sinkuenta anyos ; era de konstitusion rezia, seko de karnes, enshuto
de kara, gran madrugador i amigo de la kasa.
Por: Sephîha,Haîm-Vidal
No hay comentarios:
Publicar un comentario