roblesolarte

""Resultado Del Ayudo"

Komo puedo saver su vida i su proveza?
Komo puedo saver su bivienta i su meza?
Vide sus manos del friyo eran deskoloradas,
Sus miradas abatidas,sus karas muy rozadas.
"Apiyadame,"diziya de tono vagarozo,
"Apiyada por salvar mi ninyo del dezrepozo."
Mi mirada se fikso en esta chika figura,
De sus ojos remarki su ambiertura segura.
Un dezespero viya...su kavesa enklinada,
Pensava a su ijo kerido i mas a nada....
Le ofresi dos lagrimas kon todo mi dinero,
Lavi mi alma i alivyani su dezespero.
Kuando me rekuerdo sus bendisiones me toka,
Kreyo ke mis deseos son kumplidos por su boka/
***
La "sedaka" es emprestar al todo poderozo,
El mos pagara dandomos una vida kon gozo.

Haim Vitali Sadacca
Montreal