En Su Esfuenyo"
Anoche estava solo i medyo dormido,
Una palpitasyon tuvo kon fuerte sonido,
Emosyonado por su suerte,si se alesha
De sus keridos i este mundo si lo desha.
Kuando ariva akel misteryoso deskanso
Se eskaparan las gerras de su puerpo kanso.
Penso , ke sera olvidado sin ser nombrado
De siertos kritikado ,de pokos alavado.
Por tanto la vida la paso yena de glorya,
Kuantos seran ke tendran su nombre en memorya.?
Alavasyones,rengrasyos durante su vida
Ma a munchos no les tokara la triste yida.
Se olvidaran los sakrifisyos i las penas
Ke fueron echas kon satisfaksyones yenas.
Dyo de su salud a las ovras de bienfezensyas
Seko lagrimas de bivdas dandoles kerensyas....
Kon estos penseryos no dormyo fin la manyana
Asentado en la kama hasta la demanyana..
Una boz le diziya :" Ten la konsensya reposada
Tu alma inmortala sera rekompansada."
Haim Vitali Sadacca
Montreal
No hay comentarios:
Publicar un comentario