TRISTEZA KREPUSCULAR

Kuando oskurese el dia i séca el sol
Akarisiando de sus rayos la flor del arvol,
Kuando la nueva estreya briya en el sielo
Porke una tristess me envolta kom un velo?
Se siente en estos momentos una nostalgia,
Ke barre del dia el gozo i la alegria

I mos deca un espanto i ensiguridad
En prezensia de una Natura sin piadad.
No es la noce la kulpavle de este temor
Ni de pensar a la pavor de bivir sin amor,
Ma deve de ser, en nuestro fuerte inconsiente
De sintirnos un dia mas serka de la muerte

Por Salamón Bicerano, 29 de Enero del 1991
Sefardie.-