EL DIA KE TE VIYA

Bivo kon l'alegriya de obtener mi deseyo,
Me siento komo borracho el dia ke te veyo,
Esto plasiente de mi vida i yeno de glorya
Konservandote en mi sangre i en mi memorya.
****
Fin kuando se puedra bivir kon una esperansa,
Tengo miedo si un dia mi sentido me kansa
I mis puertas se serran i tu boz no me alkansa
Rikezas i todo mi bueno a kualo avansa?
****
Las oras de mi edad de flores estan pasando
Las kozas ke deseyo nunka m'estan alkansando,
Detesto los mesajes ke la muerte me enbiya,
Yo bivere kon los plazeres de kuando te viya.

Haim Vitali Sadacca
Montreal